Parisi fiton lehtë

Kampioni aktual i Francës, Paris St Germain, ka shënuar fitoren e radhës në Ligue 1 duke e mposhtur Rennesin sot. 

Mesfushori Thiago Motta ia dha epërsinë liderit të Ligue 1 duke shënuar nga largësia, para se Zlatan Ibrahimovic t’ia dyfishojë epërsinë ekipit të tij. 

Ky ka qenë goli i 22-të në të gjitha garat këtë stinor për super suedezin, Ibra. 

Krahu i vendasve, Romain Alessandrini, ka arritur që të ulë epërsinë e parisienëve me golin e tij të shënuar në minutën e 67-të të ndeshjes, por për rezultatin përfundimtar u përkujdes 60 milionëshi, Edinson Cavani me golin e tij në minutat shtesë të takimit pas pasimit të Mario Verrattit në një kundërsulm. 

Rezultatet dhe tabela aktuale.