ANFIELD ROAD
Fiverpool, demolon liderin
8 February, 2014 @15:38
Liverpool është treguar i pakapshëm sot ndaj Arsenalit. Derbi i xhiros XXV të Premier League i ka takuar plotësisht Liverpoolit të Brendan Rodgersit, të cilët me katër gola të shpejtë brenda 20 minutave të para të ndeshjes kanë përfunduar dilemën e fituesit të ndeshjes.
Pjesa tjetër e ndeshjes u luajt sa për të përcaktuar rezultatin përfundimtar të saj.
Kanë qenë dy gola të shpejtë nga qendërmbrojtësi Martin Skrtel që kanë sjellë gëzim të pamasë në Anfield Roadin e stërmbushur sot, derisa Raheem Sterling e Daniel Sturridge kanë këputur shpresat e Topçinjëve për 20 minutat e para të ndeshjes.
Liverpool, pastaj ka pasur edhe një morri rastesh për të shënuar, por herë portieri i Arsenalit, herë pasaktësia, kanë shpëtuar liderin e Premier League nga humbja më e thellë të cilët kanë shënuar golin e nderit nëpërmjet të penalltisë me anë të Mikael Artetas.
Me fitore, Liverpool arrin kuotën e 50 pikëve, derisa Arsenali mbetet lider me 55 sosh.
Rezultatet dhe tabela aktuale.
