Florent Hadërgjonaj zyrtarisht do të luaj për Kosovën

Mbrojtësi i Huddersfield Town, Florent Hadërgjonaj, para pak çastesh ka zyrtarizuar lajmin se do të jetë pjesë e Kosovës në të ardhmen.

Futbollisti që ka luajtur për reprezentacionin e Zvicrës dhe grupmoshat e saja përmes një postimi në llogarinë e tij në Facebook ka bërë të ditur se do të jetë “Dardan” dhe mezi pret të merr urdhëra nga trajneri Bernard Challandes.

“Përshëndetje të dashur miq. Dua që të ju njoftoj se tani sapo kam marrë pasaportën e Kosovës dhe jam gati që të luaj me fanellën më të bukur në botë. Dëshira ime gjithmonë ka qenë të luaj për vendlindjen time, mirëpo është dashur të vije momenti i duhur. Jam grumbulluar edhe nga Zvicra nga të gjitha grupmoshat deri në ekipin e parë. Nga tani, unë Florent Hadergjonaj jam një Dardan plus për trajnerin Bernard Challandes dhe do të jap gjithmonë maksimumin për Kosovën tonë,” ka shkruar Hadërgjonaj.