PEJË
Forma e mirë e Besës, sjell fitore
12 April, 2015 @15:59
Besa e Pejës ka vërtetuar formën e mirë që po e kalon në pranverë duke shënuar edhe fitoren e tretë me radhë në Superligë, pas disfatës së vetme të pranverës nga Drenica.
Ekipi i drejtuar nga Arbnor Morina ka dalë në epërsi në pjesë të parë të ndeshjes përmes golit të Mark Milicajt.
Në pjesën e dytë Istogu barazon përmes penalltisë së shënuar nga Besnik Krasniqi.
Mirëpo, pejanët këndellen shpejtë dhe përmes të transferuarit Qëndrim Dautaj avancojnë për fitore. Dautaj u shërbye për mrekulli nga Mensur Duraku me përvojë për të shënuar golin e fitores.
Besa tash ka pikë të njejta me Prishtinën dhe gjendet në pozitën e tretë për shkak të golaverazhit më të dobët, ndërsa Istogu është në zonën e rrezikshme që dërgon në Play-Out.
