FA CUP
Fundjava me çerekfinalet
11 March, 2016 @19:37
Rikthehet fundjava me FA Cup në Angli. Do të ketë edhe ndeshje të Premier Leagues, mirëpo vëmendja kryesore do të jetë në kupën më të vjetër të historisë së futbollit. 8 skuadra çerekfinaliste, 7 prej tyre janë pjesë e Premier Leagues dhe 1 skuadër e Championshipit, kërkojnë 4 bileta për gjysmëfinalet e Wembleyt.
Ndeshja e parë zhvillohet sonte (e premte) me fillim nga ora 21:00. Reading pret Crystal Palacen në shtëpi. Ndeshja kryesore luhet nesër me fillim nga ora 18:30 mes Evertonit e Chelseat në Goodison Park kurse dy ndeshjet e fundit luhen të dielën, me Arsenalin e Manchesterin që presin në shtëpi Watfordin, respektivisht West Hamin.
Gjysmëfinalistët përcaktohen me vetëm një ndeshje. Ndeshje kthyese ka vetëm në rast të barazimit, ndërsa të dy gjysmëfinalet dhe finalja luhen në Wembley.
