BARAZIMI DRAMATIK
Gana dridh Gjermaninë
21 June, 2014 @23:00
Gana ka arritur të ndalë Gjermaninë e fuqishme. Njëra ndër skuadrat më të mira afrikane përkundër se ka rënë në disavantazh në minutën e 51-të të ndeshjes, ka arritur ta barazojë rezultatin shpejtë nëpërmjet Andre Ayewit.
Mirëpo, këtu nuk përfundoi gjithçka. Gana ishte bërë gati për befasi, duke shënuar edhe njëherë nëpërmjet Asamoah Gyan për epërsi.
E atëherë Gjermanët futën në lojë sulmuesin e tyre të vetëm - Miroslav Klose. Mister goli i Gjermanisë në Kampionate Botërore, shumë shpejtë barazoi rezultatin për të përcaktuar përfundimtaren prej 2-2.
Me këtë pikë, Gana mban gjallë shpresat për kualifikim në ndeshjen e fundit të saj në grup që e zhvillon ndaj Portugalisë, derisa Gjermania do të ndeshet me SHBA-të në ndeshjen e fundit.
