Fantasy TopSporti
Të gjitha lajmet
Tabelat dhe Rezultatet

SHTOHET PËRVOJË E RE TE KAMPIONET

Gani Sejdiu angazhohet te KFF Mitrovica

Pamje nga arkivi/ TOPSPORTI/ D.S.

Gani Sejdiu angazhohet te KFF Mitrovica


30 September, 2021 @12:23

Ish trajneri i shumë skuadrave kosovare Gani Sejdiu, ka marrë drejtimin e klubit të femrave të Mitrovicës, deri në kohë të pacaktuar.

Sejdiu do të punojë me kampionet e Kosovës derisa të gjej një angazhim me ndonjë klub të konkurrencës së meshkujve.

Mitrovicasi po e zëvendëson Suada Jasharin që njoftoi për largimin e saj ditë më parë.

Gani Sejdiu @ KFF Mitrovica, coaching

“KFF Mitrovica arriti marrëveshje me trajnerin e njohur Gani Sejdiu, që të ndihmojë klubin deri në një kohë të pacaktuar, derisa të angazhohet nga një klub në kategorinë e meshkujve. Marrëveshja është që derisa të angazhohet në një klub të konkurrencës së meshkujve, Sejdiu të punojë me KFF Mitrovica së paku dy herë në javë,” ka bërë të ditur njoftimi i klubit mitrovicas, mbrëmë.

Përndryshe, KFF Mitrovica është e pakonkurrencë në futbollin e femrave dhe ka regjistruar vetëm fitore deri tash në 21/22, për më tepër duke mos pranuar gol ende.


 
Të gjitha lajmet nga FFK Liga e parë