Gashi fillon me gola

Golashënuesi më i mirë i dy stinorëve të fundit në kampionatin zviceran, Shkelzen Gashi, ka filluar me gola edhe në stinorin e ri.

Në ndeshjen e sotme kundër Grasshoppersit, Gashi e shënoi golin e parë në ndeshje duke kontribuar në fitoren e skuadrës së tij, 3-2.

Për Baselin në këtë ndeshje u aktivizua edhe Taulant Xhaka, i cili u inkuadrua në lojë nga minuta 77’, derisa te Grasshoppersi titullar ishte i riu Shani Tarashaj, që u largua nga loja në minutën 78’.

Kjo ndeshje u zhvillua në kuadër të xhiros së dytë të Superligës së Zvicrës, ndërsa Baseli me këtë fitore ngjitet në krye të tabelës me gjashtë pikë të tubuara.