Fantasy TopSporti
Të gjitha lajmet
Tabelat dhe Rezultatet

LEGJIONARI

Gavazaj optimist me Gentin

Gavazaj optimist me Gentin


28 June, 2014 @15:43

Ylli i ri i futbollit belg, Enis Gavazaj, që kaloi nëpër rrugë kosovare e në kombëtare shqiptare për të arritur futbollin europian - ka publikuar fanellat e reja për stinorin e ri të ekipit të tij - Gent. 

Gavazaj i cili stinortin e kaluar debutoi në ekip të parë të Gentit duke regjistruar 7 paraqitje dhe duke kaluar 175 minuta në fushë, ka shkruar në rrjetin social Facebook, se mezi pret stinorin e ri të kampionatit. 

“Fanellat e reja, stinori i ri, mision i ri,” ka shkruar futbollisti shqiptar i ekipit belg në llogarinë e tij, që lë të nënkuptojë optimizëm për sukses, dëshirë për fitore, por edhe ngritje të ekipit në renditje. 

Gavazaj në stinorin e ri pritet të ketë numër më të madh të minutave që do të kalojë në fushë të lojës, pasi që me lojërat e tij çdo ditë e më shumë po bind drejtuesit e ekipit. 

Gent që përfundoi stinorin e kaluar në pozitën e shtatë të tabelës, kësaj radhe kërkon plasman në Europë për stinorin vijues, derisa po kalojnë fazën përgatitore. 


 
Të gjitha lajmet nga FFK Superliga