Gerrard do të mësojë nga Klopp

Pas përfundimit të stinorit në Major League Soccer (MLS) të SHBA-së, legjenda e Liverpoolit, Steven Gerrard, ka konfirmuar se do të kthehet për t’u stërvitur me ish ekipin e tij - Liverpool. 

“Do të jem aty për disa javë dhe mezi pres të punojë me Jurgen Kloppin për të mësuar edhe disa gjëra nga ai,” ka thënë Gerrard për BT Sport, transmeton BBC Sport sot. 

Mesfushori i Los Angeles Galaxy, Gerrard, ka mohuar se do t’i bashkangjitet Liverpoolit si huazim derisa të jetë në pushim të stinorëve në MLS. 

Pra, ai do të jetë i pranishëm vetëm në stërvitje të ekipit nën urdhërat e Kloppit, ashtu që të mbajë formën para nisjes së stinorit të ri në MLS.