Gëzim Rusi me hat-trick i jep rehati Dardanës

Dardana ka shënuar fitore të rëndësishme sot ndaj KEK-ut në Kamenicë, për t’iu kthyer fitores pas humbjes në xhiron e kaluar.

Fitorja e kamenicasve ka ardhur ndaj elektricistëve të KEK-ut, që nuk po kalojnë kohë të mirë në Ligë të Parë B, ndërsa protagonist kryesor i ndeshjes ka qenë sulmuesi me përvojë të madhe nga Superliga, Gëzim Rusi.

TABELA AKTUALE

Rusi ka shënuar hat-trick sot për Dardanën në fitore ndaj KEK-ut për t’i dhënë fitore 3-0 [Rusi x3] dhe për ta rehatuar skuadrën në mes të tabelës sadopak.

KEK-u në anën tjetër është i fundit në renditjen e Ligës së Parë B dhe me sot ka regjistruar humbjen e 10 të stinorit që mban ende në rrezik skuadrën për mbijetesë në këtë ligë.