Giroud me super-gol vendos

Pa asnjë goditje në kornizë të portës kundërshtare Atletico ka pësuar në përballjen e parë të së tetës së finales së Ligës së Kampionëve nga Chelsea 0-1.

Golin vendimtar të ndeshjes e shënoi sulmuesi francez me përvojë, Olivier Giroud në minutën e 68 të ndeshjes, për t’i dhënë fund dilemave për fituesin e ndeshjes së parë. Një super-gol me gërshërë i francezit, që tregoi besimin e fituar nga trajneri gjerman i ekipit, Tuchel.

Më 17 mars, Atletico do të ketë punë të madhe për të mposhtur Chelsean në formë tejet të mirë që prej ardhjes së Tomas Tuchelit në krye të tij.

Koke që vrapoi sonte 11.68 kilometra, ishte ndër më të dalluarit në fushë, por mbrojtja e Chelseat neutralizoi sulmuesit si Joao Felix, Luis Suarez e Angel Correa.

E Marcos Alonso me Jorginhon, si motorë të londinezëve, të dy me mbi 10 kilometra të vrapuara, ndihmuan që ekipi të marr rezultatin aq shumë të kërkuar dhe golin si mysafir.

Ndeshja e sontme u zhvillua në Bukuresht të Rumanisë, ku Atleticoja luajti si vendas.