TRANSFER
Gjilani prezenton Torassan
12 June, 2021 @20:40
Ylli argjentinas i skuadrave të ndryshme nga Shqipëria, Agustin Torassa, është prezentuar sot si përforcimi më i ri i skuadrës së Gjilanit.
32-vjeçari me përvojë, është futbollisti i dytë që transferohet te Gjilani nga Tirana gjatë këtij afati kalimtar, pasi që dje u zyrtarizua edhe transferimi i mesfushorit brazilian Élton Calé.
Torassa gjatë karrierës së tij ka luajtur për Tiranën, Partizanin dhe Flamurtarin e Vlorës në Shqipëri, ndërsa gjatë vitit 2007 sa ka qenë pjesë e skuadrës argjentinase, All Boys, ka qenë i huazuar te kampioni i shumëfishtë i Austrisë, Salzburg.
