Goleada mbyllet me barazim

Në ndeshjen hapëse të Premier Leagues për këtë xhiro, u shënuan gjithsej 6 gola, mirëpo fitues nuk pati. Në një pjesë të parë fantastike, Arsenali krijoi fillimisht epërsi të dyfishtë me golat e shënuara nga Ozil dhe Sanchez. Madje goli i parë i shënuar nga Ozil erdhi nga pozita jashtë loje dhe kjo ndikoi në ankesat e vazhdueshme të trajnerit Slaven Bilic ndaj gjyqtarit anësor. Për më tepër, West Hamit i ishte anuluar edhe një gol i rregullt pak para golit të parë të Arsenalit.

Mirëpo me një Super Andy Carroll, West Hami përmbysi gjithçka. Anglezi shtatlartë shënoi tri herë, mirëpo as kjo nuk ishte e mjaftueshme që vendasit të largoheshin me tri pikë nga fusha. Mbrojtësi Koscielny barazoi shifrat në minutën e 70’ dhe gola të tjerë nuk pati.

Ky barazim bën që Arsenalit t’i shuhen edhe më tepër shpresat për titull, ndërsa West Hamin e mban në vendin e gjashtë.

TABELA AKTUALE PREMIER LEAGUE

All Goals HD -  West Ham 3-3 Arsenal - 09-04-2016 by alex-percec