MEDIA
Guardiola insiston te Suarez e Kroos!!!
3 July, 2016 @14:17
Ardhja e Zlatan Ibrahimovicit te Manchester United, ka bërë që mediat britanike të përfolin përsëri interesimin e Pep Guardiolës së Manchester Cityt për marrjen e Luis Suarezit nga Barcelona, por edhe mesfushorit gjerman të Real Madridit, Toni Kroos.
Spekulimet për dyshen në fjalë janë rritur sot, posaçërisht pas stabilitetit të madh në mesfushë që paraqiti Kroos në EURO2016, ndërsa The Sun ka shkruar se afërsisht 150 milionë funta janë në dispozicion të Guardiolës, për marrjen e dyshes së përmendur.
Guardiola e ka shok të mirë agjentin e Suarezit, vëllaun e lojtarit, Pere Suarez, ndërsa me Kroosin ka punuar në Bayern, para se ky i fundit të largohet për në Santiago Bernabeu.
Prishja e kontratës së Kroosit me Realin kushton 63 milionë funta, ndërsa e Suarezit me Barcelonën thuhet të jetë afër 85 milionë funta, 20 milionë më shumë sesa që ka paguar gjiganti katalonas për uruguajanin.
Deri tash, City ka siguruar shërbimet e sulmuesit spanjoll Nolito, pastaj mesfushorit gjerman, Ilkay Gundogan si dhe mesfushorit australian, Aaron Mooy.
City dhe United janë parë nga bastoret si favorite kryesore për të fituar titullin e kampionit në stinorin 2016/17.
