SUAREZ - HAJVALIA
Hajvalia me gjasa minimale për Suarezin
1 July, 2014 @2:51
Kalimi i Luis Suarezit nga Liverpooli në Hajvali parashikohet gati si e pamundur.
Ky parashikim vie nga kompania e njohur e bastoreve nga Britania e Madhe, Sky Bet, e cila i ka dhënë kuotën 100/1 për transferimin e yllit uruguajan në ekipin e Medës.
Njëri nga udhëheqësit e kompanisë Sky Bet, Paul Wiggins, në lidhje me ofertën e Hajvalisë drejt Suarezit tha: “Ne nuk mund të imagjinojmë se një lojtar siç është Suarez mund të pranoj një ofertë të tillë, edhe nëse kjo mund ta lejojë atë të luaj futboll në gara konkurruese”.
Suarez është dënuar me 4 muaj moslojë nga FIFA pasi e kafshoi Chiellinin në ndeshjen Uruguaj - Itali në Botëror, ndërsa këtë rast u mundua ta shfrytëzoj ekipi i Hajvalisë, i cili i dërgoi ofertë Liverpoolit për ta huazuar sulmuesin gjatë kësaj kohe, duke shpresuar se mund të ‘shkelet’ vendimi i FIFA-së pasi që Kosova nuk është e pranuar në këtë shoqatë.
