MEDIA
Hajvalia me ofertë për Suarezin!
30 June, 2014 @9:44
Skuadra e Hajvalisë sot do të dërgojë ofertë te Liverpooli, për sulmuesin e tyre të suspenduar Luis Suarez.
Ekipi i Superligës së Kosovës kërkon të shfrytëzojë dënimin e tij nga UEFA e FIFA me 4 muaj moslojë për uruguajanin dhe ta merr Suarezin përkohësisht.
“Suarezi nuk mund të luaj në katër muajt e ardhshëm. Mirëpo, pasi që ne nuk jemi të pranuar ndërkombëtarisht, besoj se ai do të ketë të drejtë të luaj në Kosovë dhe kemi përgatitur një ofertë që do t’ia dërgojmë Liverpoolit,” ka thënë Xhavit Pacolli, drejtor i këtij klubi për të përditshmen e vetme sportive, Sport Plus.
Sipas kësaj gazete, Hajvalia do t’i ofrojë 30 mijë dëmshpërblim Liverpoolit, derisa 1 mijë e 500 euro rrogë mujore Suarezit.
Suarez është suspenduar nga FIFA për shkak të kafshimit që i bëri Giorgio Chiellinit të Italisë, derisa nuk do të ketë të drejtë të luaj 8 ndeshje për kombëtaren dhe 4 muaj me ekipin e tij. E pasi që Kosova nuk është nën ombrellën e UEFA-së, Hajvalia dëshiron ta shfrytëzojë këtë.
