Zëvendësuesi që solli fitoren

Se Louis Van Gaal është strateg i klasit botëror, këtë e dinë të gjithë. E a do të arrijë Holanda atë që e kërkon me dekada të tëra - titullin e Botërorit - këtë do ta shohim në ndeshjet e radhës. 

Por si e mposhti sonte Meksikën e fortë dhe që nuk han gol? Një zëvendësim i rrezikshëm kreu punën. Robin Van Persie nxirret nga loja në minutën e 76-të të ndeshjes dhe në vend të tij futet Klas Jan Huntelaar. Kjo është e tëra. 

Huntelaar më vonë siç edhe u pa, ulë kornerin e minutës së 88-të në zonë, në vend se të godas kah porta - të cilin top e pret Wesley Sneijder për të goditur torpedon e barazimit. 

E Huntalaar në minutat shtesë, duke pasë në ekip lojtarë tjerë më me përvojë - godet edhe penalltinë - qetësisht për të arritur çerekfinalen. 

Përndryshe Holanda ka treguar se është njëri ndër ekipet që mund të shënojë me çdokë që është në fushë, pasi që 7 lojtarë të ndryshëm holandez deri më sot kanë shënuar në Botëror - më shumë se çdo skuadër tjetër në “Brazili 2014”.