Halilhodzic, hero i Algjerisë

Fitorja e madhe ndaj Burkina Fasos dhe kualifikimi në Kampionat Botëror për Algjerinë ka qenë sukses i madh. Ndërsa këtë më së miri e ka ndier përzgjedhësi boshnjak i kësaj përfaqësueseje, Vahid Halilhodzic. 

Boshnjaku Halilhodzic ka qenë më meritori për ngritjen e lojës së kombëtares nga Afrika Veriore dhe kualifikimin në Brazil. E pasi që u bë hero i botës arabe, derisa futbollistët e rrethuan dhe për pak ia shkulën të gjitha flokët, trajneri bërtiti: 

“Një, dy, tre, rroftë Algjeria” - ku gjithçka shpërtheu. 

Algjeria është kombëtarja e fundit afrikane e kualifikuar për Brazil, derisa është e vetmja nga veriu i kontinentit. Përveç tyre janë kualifikuar, Nigeria, Kameruni, Bregu i Fildishtë dhe Gana. 

Video

Thirrja e Vahid Halilhodzicit

Festa algjeriane pas kualfiikimit në Kampionatin Botëror, Brazili 2014. Algjeria mposhti Burkina Fason 1-0 në ndeshjen e kthimit, derisa ndeshjen e parë e kishte humbur me rezultat 3-2.