1/2: BAYERN - REAL
Foto: championsleague/fb
Hap gjigand i kampionit drejt finales
25 April, 2018 @22:41
Real Madrid ka përmbysur epërsinë e hershme të Bayernit në Mynhen sonte, për të fituar ndeshjen 1-2 dhe për të bërë një hap gjigand drejt finales së radhës në Ligë të Kampionëve.
Kampioni aktual është këndellur me golin e Marcelos, që iu kundërpërgjigj golit të epërsisë së vendasve nga Joshua Kimmich për të barazuar 1-1 para pushimit 15 minutësh.
E në pjesë të dytë, zëvendësuesi Marco Asensio ka qenë njeriu që me golin e tij, ia solli fitoren madrilenëve, që menaxhuan ndeshjen deri në fund pa pësuar më për fitore 1-2.
Ndeshja e kthimit në Santiago Bernabeu luhet javën që vjen (1 maj), derisa Bayernit do t’i duhet punë kolosale atje për të kapur biletën për finale.
