KEK-u - DRITA
Haxhimusa shpëtimtar, 4 rresht për kampionin!
26 October, 2018 @15:51
4 fitore rresht për kampionin aktual të Kosovës!
Forma aspak e mirë e fillimit të sezonit tashmë është harruar nga skuadra e Dritës.
Gjilanasit sot mposhtën jo pa vështirësi KEK-un në Obiliq me rezultat 1-2, për ta shënuar kështu fitoren e katërt rresht në Superligë.
Për të tretin takim me radhë në listën e golashënuesve te Drita ishte Betim Haxhimusa, i ardhuri nga skuadra rivale e qytetit, me golat e të cilit Drita sot arriti të arkëtojë 3 pikë mjaft të vlefshme.
Kjo fitore, që erdhi në sekondat e fundit të takimit, e ngrit Dritën në kuotën e 19 pikëve, kurse KEK-u mbetet edhe më tutje i fundit në tabelë, me shumë pak shpresë për shpëtim.
