COPA DEL REY
Humbja e dytë rresht për Realin, rrezikohet Kupa
18 January, 2017 @23:03
Pas humbjes pak ditë më parë nga Sevilla në La Liga, Real Madridi pësoi edhe humbjen e dytë rresht, duke u mposhtur kësaj radhe nga Celta Vigo në kupën Copa del Rey.
Goli i parë erdhi në minutën 64’ kur Iago Aspas kaloi në epërsi Celta Vigon, ndërsa 5 minuta më vonë erdhi përgjigja nga Marcelo që e barazoi rezultatin në 1-1.
Megjithatë rezultati i barabartë nuk zgjati shumë, pasi menjëherë mysafirët reaguan duke e rikthyer epërsinë me golin e Jonny Castro.
Realit tani i mbetet të mendojë për ndeshjen kthyese që luhet pas një jave, të cilën duhet ta fitojë me çdo kusht dhe atë me rezultat më të favorshëm se fitorja e Celta Vigos sonte, në mënyrë që të kualifikohet në gjysmëfinale të Kupës.
