I duhet edhe një sulmues

Trajneri i ri i Juventusit, Massimiliano Allegri, si duket nuk është i kënaqur nga sulmi aktual i Bianconerëve. 

Italiani ka bërë të ditur për të përditshmen La Gazzetta Dello Sport se do të kishte preferuar që torinezët të përforcoheshin me një sulmues dhe një mbrojtës shtesë, para fillimit të stinorit të ri. 

“Do të preferoja së pari një sulmues. Ekipi po punon mirë, kemi lojtarë të fortë. Nëse do të përforcoheshim me një sulmues dhe me një mbrojtës do të ishim në gjendje më të mirë,” ka thënë mes tjerash ai për të përditshmen pembe sportive të Italisë. 

Juventus këtë verë u përforcua me sulmuesin spanjoll të Real Madridit, Alvaro Morata, i cili u lëndua që në stërvitjen e parë të tyre. Derisa në dispozicion ka edhe sulmues si Carlos Tevez, Fernando Llorente, Sebastian Giovinco, James Troisi dhe Cristian Pasquato.