LIRIDON LATIFI
I kualifikon dhe përshëndetet
25 August, 2017 @8:17
Prishtinasi Liridon Latifi me kualifikimin e ekipit të tij në fazën grupore të Europa Ligës, ka kryer misionin me Skënderbeun.
Derisa i tërë ekipi, bashkë me stafin dhe kryetarin e klubit brohorisnin “Latifi - Latifi” në zhveshtore, 23 vjeçari mbahej në duart e bashkëlojtarëve të tij - në shenjë përshëndetjeje përfundimtare.
Mesfushori me tipare sulmuese i ka sjellë edhe 1 milionë euro Skënderbeut me transferimin e tij në Akademia Puskas të Hungarisë, ku do të luajë tash e tutje.
Latifi ka shënuar golin vendimtar të ekipit të tij në duele me Dinamo Zagrebin në Play-Off të Europa Ligës, që çoi ekipin korçar për herë të dytë në histori në Europa Ligë.
