I paluhatshmi, Diego Costa

Që në stinorin debutues dhe në katër xhirot e para - ai po aryseton milionat e shpenzuara për të. 

Diego Costa, që erdhi nga Atletico Madrid gjatë verës te Chelsea, tashmë është lider i pakontestueshëm i listës së golashënuesve të Premier League dhe me 7 gola në 4 xhirot e para ka bërë atë që pak kush e ka pritur në fillim të kampiponatit nga spanjolli i natyralizuar. 

“Gjëja më e rëndësishme është karakteri i lojtarit, që afekton performacën e tij si lojtar,” ka thënë trajneri i Chelseat, Jose Mourinho, pas shpërthimit të Costas. 

“Diego ishte i dyshimtë për ndeshje me Evertonin, në dyshim për ndeshje të Spanjës, në rrezik para ndeshjes me Swansean - dhe ai i zhvilloi të gjitha këto ndeshje,” ka shtuar portugezi, që tashmë mban lidershipin me Chelsean në klasifikim. 

“Tentova t’i jap pushim, tentova, për të qenë 100% i sigurt se ai do të bëhet më mirë. Por ai është karakter fantastik. Nëse lëndimi është lëndim, natyrisht se ai nuk do të mund të luante, por nëse pak ka dyshim dhe ai ndien se mund të luaj - ai luan dhe jep më të mirën e tij për ekipin.” ka përfunduar deklaratën për mediat britanike sot Mourinho, transmeton Soccerway. 

Diego Costa në fundjavë ka shënuar edhe hat-trickun e parë të tij në Premier League, në ndeshjen ku Chelsea mposhti Swansean me rezultat 4-2.