I shtrenjtë për Paris St Germainin

Kampioni i Francës, Paris St Germain, ka njoftuar se ka ndërprerë bisedimet me Real Madridin për transferimin e krahut argjentinas, Angel Di Maria. 

“Kemi biseduar me kryetarin e madrilenëve, por ai është tepër i shtrenjtë dhe i kemi dhënë fund negociatave,” ka thënë kreu i parisienëve, Nasser al Khelaifi, në një konferencë për shtyp. 

Argjentinasi Di Maria u përfol deri më tani se mund të kalojë edhe në Manchester United e Bayern Munchen, por Paris St Germain gjithmonë ishte më afër. 

Sidoqoftë, për momentin Di Maria mbetet në Real. Ai është kthyer në ekip këtë javë, pasi që kishte pushim më të gjatë për shkak të pjesëmarrjes në Kampionatin Botëror, Brazili 2014.