FITORE PAS 70 DITËSH
Ilaçi i të mëdhenjëve, Sociedad
9 November, 2014 @23:23
Goli i shpejtë i Mario Mandzukicit sonte, dukej se po ipte sinjal për një fitore tjetër të Atletico Madridit kampion në Anoeta.
Mirëpo, në fund kështu nuk ndodhi. Barazimi i shpejtë i vendasve përmes Carlos Velas solli barazpeshën dhe tashmë nuk dihej asgjë.
Ashpërsia e ekipit të Diego Simeones u shpërblye me tetë kartonë të verdhë në ndeshje, njëra e dyfishtë për të kuqe.
Vetëm portieri Moya, qendërmbrojtësit Miranda dhe Diego Godin si dhe sulmuesi Mandzukic nuk e panë të verdhën sonte nga referi Alfonso Alvarez.
E kjo tregonte mjaft se Real Sociedad kërkonte fitoren në ndeshje, të cilën e arriti 8 minuta para përfundimit të ndeshjes përmes golit të Agirretxes, derisa 40 minutat e fundit Rojiblancot e Simeones i luajtën me një lojtar më pak në fushë (Guilherme Siqueria, dy të verdha).
Kjo është humbja e parë e Atleticos pas tre fitoreve me radhë, derisa Real Sociedad ka shënuar fitoren e parë në kampionat prej se e fitoi Real Madridin më 31 gusht!!!
