AZEMI
sportfoto-zinke.de
Ilir Azemi bën sefte!
4 May, 2013 @18:07
Skuadra e dyshes shqiptare, Mërgim Mavraj dhe Ilir Azemi, Greuther Furth, megjithëse javë më parë i kishte shuar shpresat për mbijetesë në Bundesligë, sot arriti të shënojë fitore si mysafire ndaj Stuttgartit.
Sulmuesi kosovar, Ilir Azemi, i cili u inkuadrua në lojë në minutën 80’, pas nëntë minutave arriti të shënojë golin e tij të parë në Bundesligë.
Më parë mbrojtësi japonez, Gotoku Sakai, kishte shënuar autogol në minutën 51’ për epërsinë 0-1 të Greuther Furthit, derisa Bernd Nehrig në minutën 76’ e huqi rastin për ta dyfishuar rezultatin pasi ishte i pasaktë nga pika e bardhë.
Qendërmbrojtësi shqiptar, Mërgim Mavraj, si zakonisht ishte startues dhe luajtë gjatë gjithë ndeshjes për ekipin e tij.
Kjo ishte vetëm fitorja e katërt e Greuther Furthit për këtë stinor, derisa Stuttgarit me këtë humbje mbetet me 39 pikë duke u renditur në pozitën e dymbëdhjetë.
