INTER-CAGLIARI
Interi befasohet nga Cagliari
16 October, 2016 @16:55
Mundësinë për t’i barazuar pikët me Napolin e vendit të dytë nuk e ka shfrytëzuar Interi sot.
Zikaltërit edhe pse kaluan të parët në avantazh, takimin e humbën duke pësuar dy herë dhe të dyja golat u pranuan në mënyrë amatoreske. Goli i parë erdhi nga një gabim i pafalshëm i Mirandas, kurse goli i dytë ishte një autogol i portierit Handanovic, i cili e futi topin në portën e tij.
Në fakt, ndeshja do të merrte kahje komplet tjetër, sikur kapiteni Mauro Icardi të shënonte nga pika e bardhë në pjesën e parë.
Me këtë humbje, Interi i largohet zonës Champions, kurse Cagliari ngjitet mbi Interin.
