Irani dhe Korea sigurojnë Botërorin

Korea Jugore përkundër se ka humbur sot ndeshjen e fundit kualifikuese në vend të vetë nga Irani 0-1, ka arritur që vetëm në saje të golaverazhit të sigurojë një vend në Brazil 2014. 

Uzbekistani, që me fitore ndaj Katarit 5-1, arriti t’i mbledhë po aq pikë sa Korea Jugore, i mungoi edhe një gol për të shkuar direkt në Brazil. Ata tash duhet të luajnë ndeshjen e barazhit për paraqiten e parë të tyre në festën e futbollit botëror. 

Irani ka arritur të shënojë fitore ndaj Koresë Jugore me anë të golit të shënuar nga Reza Ghoochannejhad në minutën e 60-të, e mjaftueshme kjo për përfaqësuesen e udhëhequr nga ish trajneri i Real Madridit, Carlos Queiroz, për sigurimin e drejtimit - via Brazil. 

Edhe Jordani ka siguruar barazhin me fitore ndaj Omanit që udhëhiqet nga ish futbollisti i PSG-së, Paul Le Guen.  

SQARIM:

Dy vendet e para nga Grupi A dhe B, shkojnë direkt, ndërsa vendet e treta luajnë barazhin mes veti për të kompletuar vendin e fundit që shkon për Brazil 2014 nga Zona e Azisë dhe Oqeanisë.

KUALIFIKIMET PËR BRAZILI 2014/ ZONA AZI DHE OQEANI/ GRUPI A:

1	Irani	8 ndeshje	16 pikë
2	Korea Jugore	8 ndeshje	14 pikë
3	Uzbekistani	8 ndeshje	14 pikë
4	Katari	8 ndeshje	7 pikë
5	Libani	8 ndeshje	5 pikë

KUALIFIKIMET PËR BRAZILI 2014/ ZONA AZI DHE OQEANI/ GRUPI B:

1	Japonia	8 ndeshje	17 pikë
2	Australia	8 ndeshje	13 pikë
3	Jordani	8 ndeshje	10 pikë
4	Omani	8 ndeshje	9 pikë
5	Iraku	8 ndeshje	5 pikë