COPA DEL REY
Ish-lojtari krijon kapital për ekipin, Barcelona rrezikon finalen
10 February, 2021 @23:02
Barcelona ka pësuar përsëri. Forma jo e mirë e katalonasve pas problemeve në fillim të stinorit ka bërë që ekipi përsëri t’i kthehet labilitetit në mbrojtje dhe kështu të pësojë.
Sevilla ka shënuar fitore me rezultat tejet të mirë në përballjen e parë të Kupës së Mbretit të Spanjës 2-0 [Kounde 25, Rakitic 85]. Pas golit të shënuar në pjesë të parë nga mbrojtësi francez, ka qenë kroati i liruar nga Barcelona gjatë verës, Ivan Rakitic që ka vulos fitoren dhe kapitalin e andaluzianëve, para ndeshjes së kthimit në Camp Nou.
Derisa Julen Lopetegui bëri 5 ndërrime përgjatë 90-minutave lojë te Sevilla, në anën tjetër Ronald Koeman mbajti gjithë 11-shen e parë thuajse për 90-minuta, duke e ndërruar vetëm Pedrin me Riqui Puigin dhe atë në minutën e 85-të të ndeshjes.
Ndeshja e kthimit, luhet më 3 mars 2021 në Camp Nou dhe fituesi me rezultat të përgjithshëm më të mirë, merr vizën për finale të Copa Del Rey.