Ishim me fat

Kampioni i Italisë mposhti Chievon duke e rikthyer rezultatin prej 1-0 në 1-2, derisa një gol i pastër i veronezëve u anulua nga gjyqtari për shkak se e cilësoi pozitë jashtë loje - e që në pamje të dytë u duk se është i rregullt. 

Ndërsa trajneri i Juventusit, Antonio Conte, ka thënë se përveç fitores me fat mediat nuk duhet të harrojnë se edhe Juventusit po i bëhen dëme, por ato po anashkalohen. 

“Sensi i Chievos për fair-play duhet të respektohet maksimalisht. Ne ishim me fat mbrëmë, sepse situata shkoi në favor tonin. Duke thënë këtë, shpresoj që mediat mos të zmadhojnë incidentin e mbrëmshëm e në anën tjetër të heshtin ato që i ndodhin Juventusit. Mos harroni, një penallti nuk i është dhënë Carlos Tevezit në ndeshje ndaj Lazios,” ka thumbuar Conte gazetarët raporton Sky Italia. 

Mediat italiane bëjnë të ditur se kryetari i klubit të Chievos, Luca Campedelli, ka zbritur në zhveshtore pas ndeshjes për të siguruar gjyqtarin anësor që bëri gabimin fatal ndaj skuadrës së tij.