Monaco mbetet lider

Ekipi që sivjet erdhi nga Ligue 2, Monaco, vazhdon të mbetet në krye të elitës françeze të futbollit pas fitores së shënuar ndaj Bastias sonte 3-0. 

Sulmuesi Emmanuele Riviere ka hapur serinë e golave për ekipin e Claudio Ranierit, derisa atë e ka vazhduar Radamel Falcao me dy gola të shënuara më pas. 

Me këtë fitore Monaco ka arritur kuotën e 17 pikëve dhe vazhdon pa humbje të mbetet e para në Francë, derisa përcillet në hap nga kampioni Paris St Germain që sonte mposhti Valenciennesin me rezultat minimal si mysafir 1-0. 

Golin e vetëm për parisienët e shënoi transferi 60 milionësh nga Napoli, Edinson Cavani, pas asistimit të njërit ndër futbollistëve më të paguar në botë, Zlatan Ibrahimovic. 

Ndërsa, Olympique Lyon ka vazhduar me rezultate jo lakmuese, pasi që sonte ka humbur nga ekipi i udhëhequr nga Fabrizio Ravanelli, Ajaccio 2-1. 

Rezultatet dhe tabela aktuale.