“Ishte ndjenjë e mahnitshme”

Ndeshja e djeshme kundër Gjermanisë dhe Portugalisë ishte shumë e veçantë për mbrojtësin me prejardhje shqiptare të përfaqësueses së Gjermanisë, Shkodran Mustafi.

Mustafi u inkuadrua në minutën 73’ në lojë duke e zëvendësuar Mats Hummelsin, ndërsa në fund ekipi i tij triumfoi me rezultat të thellë 4-0.

Atmosfera fantastike, dominimi bindës i pancerëve dhe paraqitja e tij e parë në Kampionatin Botëror siç duket ka ndikuar së tepërmi tek Mustafi, i cili emocionet e kësaj ndeshjeje i përshkruan si mahnitëse.

“Nuk e kam kuptuar atë që ndodhi. Ishte një ndjenjë e mahnitshme,” ka shkruar shkurt Mustafi në profilin e tij zyrtar në Facebook.

Gjermania e Shkodran Mustafit ndeshjen e radhës e luan këtë të shtunë kundër përfaqësueses së Ganës.