ISTOGU 3-0 MALISHEVA
Festa e futbollistëve të Istogut pas golit të parë të shënuar sot në fitore 3-0/ Foto: KFIstogu/fb
Istogu ndez motorët në pjesë të dytë dhe fiton bindshëm
3 April, 2021 @17:14
Pas barazimit ndaj Dukagjinit në xhiron e kaluar, Malisheva nuk ka arritur të shënojë fitore as ndaj rivalit tjetër që po lufton për elitë të futbollit të Kosovës.
Istogu ka qenë bindshëm më i mirë se mysafirët nga Malisheva sot, duke i mposhtur me rezultat 3-0.
Istogu - Malisheva 3-0 [Ragip Mazrekaj 52, Egzon Kurteshi 66, Yoan Olivier 70]
Pas pjesës së parë shterpe, në pjesë të dytë nxënësit e Nazmi Ramës u vërsulën me gjithë fuqi portës së malishevasve, ku pastaj golat erdhën një nga një për të fituar në fund 3 pikë jashtëzakonisht të rëndësishme në luftë për Superligë.
Pas kësaj fitoreje, Istogu është 3 pikë afër barazhit për Superligë, ndërsa 4 pikë nga lideri Dukagjini, pozitë kjo që siguron Superligën.
