Isufi: Nuk guxojmë të përsërisim këtë situatë

Trajneri i Dritës, Bekim Isufi, sot debutoi me fitore ndaj Lirisë në bankën e ekipit gjilanas, ndërsa ka kritikuar lojtarët për relaksim pas epërsisë 3-1, që rezultoi në rrezikim të fitores.

“Dorën në zemër ka qenë një fitore tepër e mundimshme. Goli në minutën e fundit ishte i shijshëm, por nuk guxojmë të përsërisim këtë situatë. Kishim pakujdesi te rezultati 3-1, ndërsa ne shqiptarët kënaqemi shpejt. Kemi çuar fitoren në pikëpyetje, edhepse kishim 2 gola dallim, por falenderoj futbollistët për angazhim dhe fitore në fund,” ka thënë ndër të tjera Isufi.

Drita me fitoren 4-3 ndaj Lirisë, të ardhur në minutën e fundit të ndeshjes, që u kontestua nga mysafirët për një pozitë faulli, ka arritur në pozitën e dytë të klasifikimit.