ZLATAN IBRAHIMOVIC
Janari i ngrohtë për Zlatanin, e kërkon edhe Milan
5 November, 2018 @15:00
Pas raportimit të mediave spanjolle se Zlatan Ibrahimovic mund të jetë sulmues i ardhshëm i Real Madridit, duke kaluar aty në janar të vitit të ardhshëm, tashmë gjërat janë përzier edhe më.
La Gazzetta dello Sport ka raportuar se Milan është gjithashtu i interesuar të ketë Zlatanin në ekip prej janarit.
Rossonerët do t’ia ofrojnë kontratën 6 mujore suedezit, që po shkëlqen në SHBA me LA Galaxy përkundër moshës, me opcion vazhdimi.
MLS shkon në pushim në fund të këtij viti dhe Zlatan shihet si opcion real për të kaluar së paku një gjashtë mujor në futbollin evropian.
Drejtori sportiv i Milanit, Leonardo, është duke shikuar mundësinë për rikthimin e Zlatanit te rossonerët, derisa opcioni i tij për vazhdim do të varet nga kualifikimi i ekipit në Champions League për stinorin e ardhshëm.
