Januzaj afër Shqipërisë

Supertalenti i Manchester United, Adnan Januzaj, do të mund të bëhet futbollist i radhës së kombëtares shqiptare. 

Kështu shkruajnë mediat belge, ndërsa transmetojnë ato shqiptare në të përditshmet e sotshme. 

“Karriera e Januzajt po fillon me vrull, ndërsa me kalimin në ekip të parë të Manchester United, ai ka arritur të jetë në qendër të vëmendjes. Presioni nga familjarët, posaçërisht nga i ati, do të bëjnë atë futbollist potencial të përfaqësueses shqiptare, pasi që deri më sot ai ka refuzuar çdo kombëtare të të rinjve në Belgjikë,” shkruan ndër të tjera Voetbal Nieuws. 

Adnan Januzaj ka filluar të marrë përkrahje edhe nga futbollistët aktual të kombëtares, ku iniciativën ka marrë Lorik Cana i cili në prononcime të ndryshme ka thënë se Januzaj nuk do të tradhëtojë Shqipërinë.