SUNDERLAND - LIVERPOOL
Januzaj e Sunderlandi ndalin Liverpoolin
2 January, 2017 @17:58
Një ndeshje shumë interesante u zhvillua sot në ‘Stadium of Light’, ku Liverpooli në fund u detyrua të pajtohej me barazimin, me skuadrën e Sunderlandit që luftoi shumë dhe e arriti barazimin me 2 golat e shënuara nga veterani Jermaine Defoe, të dyja nga pika e bardhë.
Liverpooli kaloi në epërsi me golin e Daniel Sturridge me kokë, ndërsa barazimi i vendasve erdhi nga Jermaine Defoe. Në pjesën e dytë rastet për Liverpoolin vazhduan e goli i epërsisë u shënua nga Mane në minutën e 72-të. Kur u mendua se ndeshja do të mbyllej me fitoren e skuadrës së Kloppit, ishte pikërisht Mane ai që i riktheu në lojë vendasit, duke shkaktuar penallti, e cila u shndërrua në gol nga Defoe dhe ndeshja u mbyll me shifrat 2-2.
Paraqitje shumë të mirë zhvilloi edhe Adnan Januzaj, i cili ishte në fushë për afro 80 minuta.
Ky barazim bën që Liverpooli të mbetet 5 pikë larg Chelseat, që ndeshjen e xhiros e luan ndaj Tottenhamit pas dy ditëve.
Sunderland vs Liverpool 2-2 All Goals… by nAProCyn
