Jemi më të mirë se United

Trajneri italian i Manchester Cityt, kampionit aktual të Anglisë, Roberto Mancini, pas humbjes së pësuar nga Manchester United në fundjavë, ka thënë për mediat angleze se ekipi i tij është shumë më i mirë se ai i Fergusonit.

“Ata kanë më shumë përvojë, mirëpo ne kemi skuadër, lojë dhe lojtarë shumë më të mirë se ata. Edhe 24 xhiro ka deri në fund të stinorit dhe ne do t’i zëmë ata,” ka thënë Mancini.

Me humbjen e pësuar nga Manchester United, e cila ishte e para për Cityn këtë stinor në Premier League, ekipi i Sir Alex Ferguson ka shtuar epërsinë në krye të tabelës për gjashtë pikë ndaj kampionit.