Legjenda e klubit vazhdon edhe një vit

Kontrata e tij skadon më 30 qershor, por Joaquín Sánchez, kapiten i Real Betisit, e ka bërë gjithmonë të qartë se ai do të dëshironte të vazhdonte vetëm nëse ndihej i dobishëm për ekipin.

Pjesëmarrja e tij këtë sezon, nën urdhërat e Pellegrinit, e ka bindur atë të vazhdojë të paktën edhe një sezon.

“Kontrata ime skadon në qershor, por unë ndihem i fortë, në formë të mirë në futboll dhe në nivelin fizik. Unë dua të vazhdoj të paktën edhe një vit. Do të doja të tërhiqem me tifozët në tribuna, pasi unë dua të ftoj çdo tifoz futbolli të marrë pjesë në një lojë në stadiumin tonë Benito Villamarín. Kur të kalojë pandemia dhe të kuptoni se për çfarë po flas, unë dua të luaj me turmën e pranishme para se të pensionohem “, tha 39-vjeçari.