Në kërkim të gjysmëfinales

Tetë skuadra në përballjet e kthimit prej orës 21:00 në kuadër të EuropaLeague do të tentojnë betejën përfundimtare për të fituar luftën për në gjysmëfinale.

MAN UTD - GRANADA (21:00) (2-0)

Manchester United pret debutuesit e Granadës derisa ka avantazh 2-0 nga ndeshja e parë si mysafir. Vështirë e parashikueshme që spanjollët me Roberto Soldadon me përvojë në sulm mund të befasojnë ekipin e Ole Gunnar Solskjaerit që vjen i motivuar pas fitores së madhe në derbi ndaj Tottenhamit.

SLAVIA - ARSENAL (21:00) 1-1

Përballja tjetër, që pritet me interesim të jashtëzakonshëm është Slavia e Pragës ndaj Arsenalit. Çekët kanë arritur të shënojnë në momentet e fundit të ndeshjes si mysafir për përfundimtaren 1-1 në ndeshjen e parë në Angli dhe tashmë kanë shpresa të mëdha për të bërë befasinë. E a do të arrijë Arsenali të përmblidhet për të kaluar tutje, mbetet të shihet sonte.

ROMA - AJAX (21:00) 2-1

Në kryeqytetin italian, Roma do të dëshirojë të shfrytëzojë epërsinë nga ndeshja e parë ndaj Ajaxit, pasi që fituan në Holandë 2-1. Të rinjtë e Ajaxit do të ketë punë të madhe për të bërë më shumë për të arritur gjysmëfinalen, por gjithmonë të hapur për këtë arritje. Në anën tjetër Roma bashkë me Manchester Unitedin shihen si skuadrat më të forta që do të mund të konkurrojnë për trofeun e EuropaLigës këtë stinor.

VILLARREAL - DINAMO (21:00) 1-0

Dinamoja e Lirim Kastratit, që arriti sukses madhor duke eliminuar Tottenhamin në çerekfinale, do të duhet të dalë fituese në Spanjë ndaj Villarrealit. Pasi që u mposhtën në Zagreb 0-1 nga spanjollët, tash ekipi i Dinamos do të duhet të luftojë për të shënuar më shumë se një gol në përballjen e sotme dhe për të arritur edhe befasinë e radhës.