KATEGORIA SUPERIORE
Josa debuton me fitore te Kukësi, mposht ish ekipin
30 January, 2021 @16:40
Skuadra e Kukësin e ka nisur mirë rrugëtimin e saj me trajnerin e sapo emëruar, Mirel Josa.
Ekipi verilindor ka mposhtur me rezultat të thellë 0-4 skuadrën e fundit në tabelë, Skënderbeun.
Mbizotërimi i mysafirëve në lojë filloi qysh në minutat e para pasi Agim Ibraimi e kaloi Kukësin në epërsi në minutën 5’. Vetëm dy minuta më vonë rezultati u dyfishua nëpërmjet Vesel Limajt, derisa braziliani Leira shënoi për 3-0 në minutën 33’.
Në pjesën e dytë Limaj doli përsëri në skenë duke shënuar golin e katërt për rezultatin përfundimtar.
Kjo është fitorja e tretë rresht për Kukësin që tanimë ka 26 pikë të tubuara, derisa Skënderbeu vazhdon të jetë i ngujuar në fund të tabelës.