Josa: I kënaqur me pikët, pushimi i kombëtareve na bën mirë

Pas fitores ndaj Drenicës, për media foli Mirel Josa, trajneri i Prishtinës.

“Normalisht, pjesën e parë nuk ishte ajo loja që do të na kënaqte shumë, ishim shumë te vonshëm për sa i përket dyluftimeve në fushë e disa gjërave tjera, mirëpo ishim ndryshe në pjesën e dytë dhe në momentet e caktuara treguam efikasitet. Gjithashtu, duhet të ishim më të kujdesshëm me disa topa të humbur.

Drenica tregoi lojë të mirë dhe na vështirësoi gjërat në disa momente.

Jam i kënaqur me tri pikët, na kanë dhënë qetësi për këtë pauzë të kombëtareve, ku do të qetësohemi edhe ne edhe lojtarët.” - shpreh Josa për Supersport pas ndeshjes.

TABELA AKTUALE SUPERLIGA

Përveç ndeshjes së pazhvilluar ende ndaj Gjilanit, Prishtina ka 2 fitore në 2 ndeshjet e luajtura sivjet në Superligë.