Juventus, i afrohet titullit

Kosovari Lorik Cana ka qenë i pafat sot, pasi që ka qenë shkaktar i golit të parë të Zonjës së Vjetër nga Torino, kur rrëzoi në zonë mesfushorin juventin, Cluadio Marchisio. 

Kështu, që në minutën e tetë të ndeshjes ai u ndëshkua me karton të verdhë, ndërsa penalltinë e fituar për bianconerët e realizoi kiliani, Arturo Vidal. 

Prej këtij momenti ekipi i Juventusit filloi dominimin me gjashtë mesfushorë në fushë duke shëtitur topin. Lazio edhe pse kishte më vonë rastet e saja nga korneri, i disponuari Arturo Vidal shënoi edhe njëherë në minutën e 28-të të ndeshjes për t’i përfunduar shpresat e aguilas romake. 

Juventus tash ka 74 pikë në vendin e parë, 11 më shumë se Napoli që gjindet në vendin e dytë, gjashtë javë pa përfunduar kampionati italian. Skuadrës së Antonio Contes i duhen edhe tre fitore për të siguruar titullin nëse nuk gabon më heret përcjellësi kryesor i tyre, Napoli.

Ndërkaq, ekipi i Lorik Canës, Lazio është larguar edhe më shumë nga zona e Ligës së Kampionëve, pas humbjes së sontme, duke mbetur 8 pikë prapa Milanit, që gjindet në vendin e tretë. 

Tabela aktuale.

SERIE A, SONTE: