Juventus, vazhdon me përforcime

Roberto Pereyra do të jetë përforcimi më i ri i Juventusit për stinorin e ri. Argjentinasi 23 vjeçar ka kaluar si huazim nga Udinese te kampioni i Italisë, derisa opcioni për blerjen e tij do t’i kushtojë 15.5 milionë euro plus 1.5 milionë euro lidhur me performancat, ka njoftuar sot Football Italia. 

Ai është shprehur i lumtur me kalimin e tij te Bianconerët, derisa ka thënë se aty do të piqet edhe më shumë si lojtar dhe do të ketë punë me kolegë që kanë përvojë tepër të madhe për ta bërë atë edhe më të mirë.