Legjenda rikthehet në Stamford Bridge

Sulmuesi i Bregut të Fildishtë, Didier Drogba, po rikthehet aty ku e arriti famën dhe në vendin ku pranohet si legjendë - Stamford Bridge. 

Drogba, 36 vjeç, u largua nga Chelsea pasi shënoi penalltinë vendimtare në finale të Ligës së Kampionëve ndaj Bayern Munchenit për të fituar trofeun më të madh në histori të klubit londinez. 

Nga viti 2012 Drogba kaloi një periudhë jo të mirë në Kinë me Shanghai Shenhuan, derisa u këndell me kthimin në Galatasaray të Stambollit, ku u eliminua pikërisht nga ish ekipi i tij Chelsea në të tetën e finales së Ligës së Kampionëve. 

Ai në vijim do të nënshkruaj kontratë si lojtar me mundësi të jetë pjesë edhe e stafit të trajnerëve të klubit. 

Drogba ka kaluar 8 stinorë te Chelsea duke shënuar 157 gola, pasi që kishte zgjuar interesimin e londinezëve duke shënuar si golashënues i Olympique Marseille.