ROSSONERI
Kaka dhe Milan, ndahen
30 June, 2014 @15:44
Rossonerët kanë konfirmuar se braziliani Kaka, më nuk do të jetë lojtari i tyre. Në një njoftim të shkurtër të Milanit, shkruan:
“Milan njofton se ka ndërprerë me marrëveshje kontratën me mesfushorin Kaka.”
Konfirmimi nga kuqezinjtë e Milanit vjen pas spekulimeve se ai do të mund të kalojë në ligën elite amerikane të futbollit, MLS, për të veshur fanellën e Orlando Cityt.
Edhe Gazzetta Dello Sport, ka bërë të ditur sot se braziliani Kaka ka marrë rrugë për në Florida që në mëngjes. Përveç Orlando Cityt, ai do të mund të arrijë marrëveshje edhe me ekipin brazilian Sao Paulo - gjë që pritet të kuptohet shumë shpejtë.
