Kampioni nis vitin me fitore

Dy gola nga Antoine Griezmann kanë thënë shumë në këtë ndeshje - për të cilën Atletico Madrid u përgatit mjaft gjatë pushimit të fundvitit, e kundërshtari u tregua i rrezikshëm deri në fund të ndeshjes. 

Posaçërisht kur zëvendësuesi i Levantes, Nabil El Zhar, qëlloi rrjetën e portierit Moya, për të ulur epërsinë e kampionit të Spanjës, në 2-1 dhe për të bërë ndeshjen edhe më interesante. 

Sidoqoftë, njeriu që kujdeset për mbrojtjen e Atleticos, Diego Godin, ka treguar edhe njëherë cilësitë e tij në sulm, kur ka goditur për të vulosur fitoren e ekipit të Diego Simeones, 3-1. 

Kjo ka qenë fitorja e 12-të e stinorit për Atletico Madridin, derisa Levante mbetet poshtë në tabelë afër zonës së rrezikshme. 

Rezultatet dhe Tabela aktuale