TOTTENHAM HOTSPUR 2-0 WEST HAM UNITED
Kane i jep shpresa për ngritje Tottenhamit
23 June, 2020 @23:31
Tottenham Hotspur me fitoren e sontme ndaj West Ham Unitedit, ka rinisur të shpresojë për një luftë për pjesëmarrje në gara evropiane.
Pas pjesës së parë të kaluar pa gola, në pjesë të dytë vendasit kanë shënuar dy herë për të marrë fitore ndaj West Hamit 2-0 [Soucek 64ag, Kane 82].
Të dyja skuadrat kanë pasur raste. Michael Antonio ka rrezikuar për mysafirët, ndërsa Son Heung-Min për vendasit, para se të vinte goli i parë.
Hyrja në pjesë të dytë paralajmëroi golin, pasi që Harry Kane dy herë rrezikoi portën e Lukasz Fabianskit, ndërsa Pablo Fornals pa topin e tij për pak në portë.
Me këtë fitore të spursave të Jose Mourinhos, lufta për pozitë të pestë ngjallet masivisht pasi që dallimi zvogëlohet mjaft për momentin.
E West Ham i David Moyesit, ende nuk ka siguruar mbijetesën dhe pikët jetike duhet t’i sigurojë në ndeshjet e mbetura.